25-09-2020
Sambi ramé-ramé ngopi (Koh Bos dhéwé sing nge-tèh, fanatik tèh nas-gi-thel-pet) nang cakruké Nyah Ndut, Totok takon nang Kang Yos: “Kang, wingi demo nang ngerep Balé Deso kok ono sing nggowo spanduk tulisané: Dasar Rejim Anjing. Maksudé opo Kang?
Kang Yos: “Ono tanda penthungé ora Tok?”
“Ono Kang. Tanda penthungé malah telu ..”
“Kuwi mesti gèk nesu Tok ... Nesu banget.”
“Lho, nesu karo asu?!” Cuk Bowo sing njelaské: “Maksudé, rejimé, sing gèk mrintah kuwi isiné akèh-akèhé asu. Nesuné yo karo rejimé kuwi ...”
“Ngono yo Cuk ..”
“Hè’èh Tok.”
Likwan nimbrung: “Wis ganti to Cuk ...”
“Maksudé?”
Mas Amir nimbrung: “Mbiyèn, mbiyèn kaé, isiné kan akèh cèlèngé ...”
Koh Bos: “Omongé Mbah Pekik yo Mas ...”
“Hè’èh Koh ...”
Totok: “Saiki isiné asu kabèh. Ngono yo Mas ...”
“Hè’èh Tok ...”
Kang Yos mèlu njelaské: “Isiné èkèr-èkèran terus, ribut rebutan balung waé ...”
“Lha jenengé waé asu Kang ....”
Cuk Bowo nambahi: “Nèk dipethèti karo ndoroné terus buntuté kopat-kapit ...”
“Ngono yo Cuk ...”
“Hè’èh.”
Mas Amir: “Bar dipethèti, kopat-kapit buntuté, trus kon njegog.”
“Njegog banter Mas?!”
“Hè’èh Tok... Sak kemengé ...” *** (25-09-2020)